Garderoben: Astrid Skjerven

I ei tid der klede går hand i hand med imagebygging og strafferundar framfor gatestilfotografar, pratar vi med menneske som investerer tid og pengar i ein personleg garderobe. Først ut er professor i design, Astrid Skjerven.

 

 

Kva ligg til grunn for ein gjennomført garderobe?
 

Garderoben min må få meg til å kjenne meg vel, både fysisk og psykisk. Difor må plagga vere komfortable og fungere praktisk. Eg må halde meg varm og ha fridom til å kunne røre meg; setje meg ned og reise meg opp, og springe for å rekke trikken. Eit anna viktig poeng  har å gjere med relasjonen til menneska eg møter i kvardagen. Eg vil kommunisere godt og må kunne stole på dei signala kleda sender ut. Og så skal kleda være vakre på ein diskrét måte.

 

Kvifor har det vore viktig for deg å bygge opp ein garderobe over tid?
 

Dette med klede er veldig gøy og det har betydd mykje for meg gjennom livet. Estetikk gir meg ei dagleg glede, og plagga eg har på meg speler sjølvsagt inn her. Enkelte av dei ser eg på som små meisterverk, og desse er eg særskilt glad i. Det handlar om å finne plagg som ein kan bruke til ulike anledningar og kombinere på ulike måtar, då dette gir mange kombinasjonsmoglegheiter og rom for kreativitet. Eg reiser mykje, og difor er det viktig å kunne ha allsidige ting. Noko anna som er blitt stadig og viktigare er dette med bærekraft og miljø, noko som gjer at eg verdsett naturmaterialar og kvalitet. Eg har alltid vore oppteken av at ting skal vare og ha god kvalitet, og hater billege syntetiske materialar som knapt held ein sesong. Folk må få opp auga for korleis vanane deira er med på å påverke verda rundt seg.

 

Gensar og bukser frå Jean Paul Gaultier.

 

Korleis definerer du stilen din?


Eg er minimalist! Eg går nesten alltid i svart. Ein annan farge eg liker er midnattsblå, og om sommaren kan eg og bruke kvitt. Om eg skeier ut, er det gjerne i form av små detaljar i tomatrødt eller smaragdgrønt, gull eller sølv.

 

Kan du fortelje litt om nokre av garderobefavorittane dine?


Eg har fleire plagg som som eg har hatt lenge er ekstra glad i. Dette gjeld særleg eit tulipanforma ullskjørt, signert Azzedine Alaïa. Det fungerer svært godt på kroppen. Det er varmt og det har ei skulptural form som gjer at eg kjenner meg feminin. Eg har faktisk donert ein kjole frå designaren til Nasjonalmuseet. Eg hadde to av same type, ein svart og ein kvit – og ikkje så overraskande er det den kvite som nå er i museet sitt eige. I motsetnad til kleda frå Alaïa, får dei klassiske «gubbebuksene» fra Jean-Paul Gaultier meg til å kjenne meg sterk. Gaultier miksar maskuline og feminine element på ein måte som fremhevar kvinner si styrke.  Dressane frå Dolce & Gabbana og veskene fra Jil Sander sett eg også veldig høgt – det er uunværlege kvardagsplagg. Når det kjem til enkeltplagg, kan eg ikkje forestille meg eit liv utan svarte høghalsarar.

 

 

Går du fleire rundar før du bestem deg for å slå til?
 

Ja, eg må sove på det og gjerne prøve plagget fleire gonger. Det er viktig å tenke godt over kva ein skal med plagget: Kva er funksjonen, korleis vil det fungere i kvardagen, og vil eg vere komfortabel i det? Det er både dumt, dyrt og lite bærekraftig å kjøpe noko som blir hengande i skapet.

 

Kva er det du ser etter i eit plagg som du ønsker å investere i?
 

I tillegg til kvalitet i stoff, passform og proporsjonar, må plagget stemme overeins med personlegdom og livsstil. Det er fint at vi er forskjellige og kler ulike plagg. Det må også være klassisk i uttrykket og kunne brukast i fleire år.

 

Til venstre:
Øyredobbar frå Monies.
Body frå Wolford.
Vintage skjørt frå Christian Lacroix.

Til høgre: 
Kjole: Dolce & Gabbana

Armband laga av kokkosnøtter frå Gerda Monies

 

Korleis skiljer du kvardags- og feststil?
 

Det eg liker best er plagg kan kan brukast til begge føremål etter «dress up - dress down»-prinsippet. Eit antrekk beståande av til dømes ein høyhalsa gensar og eit blyantskjørt kan enkelt justerast til kveldsbruk ved å setje til eit par øyredobbar og bytte til sko med høge hælar.  Eg er oppteken av enkelheit og ting som kan kombineras på ulike måtar.

 

Kven kler du deg opp for?
 

Dei gongane eg skal representere, er jo dette noko som eg må tenke på. Men til dagen er det først og fremst eg som skal nyte godt av det eg går kledd i. Klede kan samanliknast med eit ekstra lag hud. Dei skal beskytte, varme, gjøre meg etter måten vakker, og i stand til å kommunisere med andre.

 

Til venstre:
Body frå Wolford.
Vintage skjørt frå Christian Lacroix.

Til høgre:
Øyredobbar frå Dolce & Gabbana.

Kåpe frå Hermès.
Hatt frå Max Mara.

Smythson

L1201245.jpg

Det erke-britiske papir- og tilbehøyrsmerket Smythson er nå til sals på Vincci i Akersgata i Oslo. Smythson er særleg kjend for sitt fjærlette og lyseblå skrivepapir og notatbokmodellen med namnet Panama. Denne notatboka er laga etter målet på framlomma på blazerar og dressjakker og er tøyeleg og bøyeleg slik at ho skal forme seg etter kroppen. 

Resirkulerte tepper

Layered_Power_of_thought_ENV_2.jpg

Moderne orientalske tepper med historie.

Teppene i Layered sin nye kolleksjon Recycle Shaggy er skapt med sterk påvirkning fra orientalsk kultur og tradisjon. I den orientalske tradisjonen kan et teppe representere styrke og trygghet, visdom, evighet og fred. Kombinasjonen av de magiske symbolene gir hvert teppe sitt unike uttrykk. Med veverens ønske om å beskytte den menneskelige ånden fra negative energier, er pleddene laget for å skåne eieren fra livets mørke elementer.

Hvert enkelt teppe forteller en historie gjennom de ulike symboler. Noen av symbolene presentert er; beskyttelsen mot det tredje øyet – om du har dette symbolet ved deg, vil ikke onde makter kunne skade deg. Og livets tre, som symboliserer samholdet mellom de fire elementene – jord, vind, luft og ild.

Kolleksjonen er bærekraftig og er laget av resirkulert ull. Materialene er holdbare,

På bordet

Dei fleste ting har ei historie. Les nokre av dei her.

Tekst: Jonas Øren
Foto: Ole Musken / Palookaville

I austen er teseremoniar og tekunst ein viktig del av kultur og sosialt liv. Japansk teseremoni, kalla Cha No Yu, skiljer seg særleg ut med strenge retningslinjer, føringar og tyngde.
Tradisjonelt skal ritualet skje i omgivnader som vitnar om fornem fattigdom. Askesen, altså det å øve seg på å leve, er for japanerane essensen av sann skjønnhet. Rituala vart til på slutten av 1500-hundretalet som ein del av Zenbuddhismen og handlar om reinsing og foreining med naturen. Stega i seremonien omfattar alt i frå arkitektur, hagebruk, hagearkitektur, keramikk- og blomsterkunst. Stor teboks i heiltre 1299,–  og liten boks i metall 319,–. Teesker i kirsebærbark lagast kun i Kakunodate, nord i Japan.  På 1800-talet laga samuraiane eskene for å tene ekstra pengar. Barken pustar, samtidig som fuktighet haldast ute. Handlaga koppar frå Japan, 209,–. Handlaga støypejernskanne, 1299,– og underlag, 319,– av den japanske designeren Hisanori Masuda. Støypejern held godt på både varme og aroma. Alt frå Palais des Thés. Porselensfat 1500,– / Hermès. Keramikkrukker frå Rydeng Kunsthandel.

Blomen krysantemum, og særleg kvit krysantemum, er brukt mykje i kunst og interiør. Det var favorittblomen til den kinesiske keiserinna Cixi. Japansk teseremoni har røter i kineskisk tekunst, men utvikla seg til noko eige på slutten av 1500-talet. Skjermbrett, bord og metallblomar frå Rydeng Kunsthandel. Krysantemum i frå Blomstersenteret i Homansbyen.
Det er skrive fleire bøker om den karismatiske keiserinna som på 1800-talet indirekte styrte Qing-dynastietog Kina. Ho var den siste keiserinna og er også kjend for sine strenge skjønnhetsritual, der det å ete blomar var populært. Eit fenomen i dag kalla flowerfood.

Parfymane frå Memo Paris er laga av ekteparet Clara og John Moloy. Etter å ha møttes i ein heis bestemte dei seg for å putte duftene dei hadde opplevd frå ulike reisemål på flaske. Til venstre er Luxor Oud, som med notar av mandarin, rose, røde bær og tonkabønner skal gi ein illusjon av Egypt og Nilen. Til høgre er Italian Leather. Med notar av mellom anna lær, grønne tomatblad, og sandaltre. Luxor Oud 1500,– og Italian Leather 1575,– / Gimle Parymeri.

Hattedesigner over alle hattedesignerar, britiske Stephen Jones, har saman med Comme des Garçons laga parfymen Stephen Jones Millinery. Verdas kanskje mest tydelege hattemakar, nest etter han i Alice i Eventyrland, gjer kreasjonar for alt i frå Dior Haute Couture, Jil Sander, Salvatore Ferragamo, Marc Jacobs, Victoria Beckham, og så vidare. Som seg hør og bør, parfymen kjem i ei lita hatteeske. Steven Jones Millinary 995,– / YME Universe. Alexander McQueen slangeskinnsclutch. Smykke / Lanvin. Armband 5200,– og 4200,– /Hermès.

FRÅ PS: MAGASIN NO. 1